計劃成效   

「大小足印」計劃有助年輕及新手媽媽強化育嬰的技巧、認識懷孕期及產後坐月的營養食療,並可從餵哺嬰兒、孩子管教及建立親子關係中,學習承擔做媽媽的角色和責任,學會照顧自己及嬰孩。

此外,不少參與「大小足印」計劃的年輕媽媽來自複雜的家庭背景,如單親家庭、父母離異後再婚的家庭、與家人關係惡劣等,年紀輕輕的她們非常渴望建立親密關係,渴望在親密關係中得到「愛」、「被關心」、「被明白」。「大小足印」計劃透過個案輔導幫助年輕媽媽重新檢視自己的成長過程,重新規劃人生,並學習組織及維繫健康的家庭。

由於「大小足印」涵蓋不同階段的媽媽,讓她們在參與活動的同時也能認識一班「同路人」,互相分享及分擔,建立同路人媽媽網絡,交流產檢經驗、照顧初生嬰兒的技巧、孩子管教心得等。同路人媽媽網絡可為年輕及新手媽媽舒緩壓力,重從出發。

參加者心聲

年輕媽媽阿華︰「以前覺得個仔好曳,又覺得自己唔識教仔,好大壓力,參加了活動,其他媽媽會分享點樣教小朋友,我都學到唔少,個人無咁大壓力,開心咗。」

新手媽媽潘小姐︰「成日喺屋企自己對住BB同四面牆,想搵人傾吓計都無,來中心參加活動可以同其他媽媽傾吓計,無咁悶,我們平時都會KEEP住聯絡。」

新手媽媽梁太︰「我煮嘢食唔叻,所以來學煮嘢食,想煮比BB食、比家人食,想一家人食得開心,參加活動學到很多嘢。」

年輕媽媽雯雯︰「自從我有咗BB之後,之前啲朋友都好少聯絡,佢哋都唔係好明白我依家的想法,佢哋又忙讀書考試,我又忙湊BB,大家的話題都不一樣,唔想搵佢哋,反而想搵喺度(大小足印計劃)識到的媽媽們。」